Unsaon pagkahibalo dunay gusto ang lalaki?
Lisod sa usa ka babaye nga mangutana sa lalaki nga kung aduna
bay gusto ang lalaki kaniya? Aniay pipila ka mga tips o giya nga
pwedeng makatabang sa mga kababaehan nga mahibaloan
kung adunay gusto ang usa ka lalaki kaniya.
1. Mata sa mata
Ang lalaki motan-aw na sa imong mga mata kung siya
interesado kanimo. Pero, tan-awa sa kung naa ka bay mota kay
tingali og mao ang iyang gitan-aw sa imo…hehe. Apan, ang
susi niini mao ang pagkamakanunayon. Kung interesado gayud
ang usa ka lalaki kanimo, dili lamang kini kausa motan-aw
kanimo. Kung masakpan ni nimo nga ga-sige og pasiplat
kanimo, nan, kana ang unang clue.
2. Pagpahaduol
Kung ang usa ka lalaki mangita og pamaagi nga maduol diha
kanimo, kana ang primirong sinyales nga ginabuhat sa mga
lalaki sa atubangan sa babaye nga nakadani kanila. Mao nga
kung anaa ka sa usa ka lugar, ug adunay lalaki nga kanunay
nga nagapaduol kanimo, kana ang usa sa mga sinyales.
Nagalaum kini sila nga maka-istorya ka maskin pa og usahay sa
imong atubangan, wala silay masulti unya.
3. Gina-istoryahan ka niya sobra sa imong angay nga
mahibaw-an mahitungod kaniya
Sa inyong pagkulokabildo, nagahatag ba siya og mga
inpormasyon nga wala nimo pangutan-a? Kung ang usa ka
lalaki interesado kanimo, mamatikdan kini nimo siya nga
kasagaran nga motuki mahitungod sa iyang mga nakab-ot, sa
katapusang lugar kung asa siya nilaag ug ang mga gimbuhaton
nga gusto kaayo niya. Kini dagko kaayo nga mga sinyales. Kini
pamaagi lamang niya kung mouyon ka ba kaniya. Kung
nagahatag siya og panahon aron sultihan ka niya mahitungod
sa iyang kaugalingon, nan, dako kaayo kana nga tsek, day!
Source: www.sunstar.com.ph/
Image credit: Culture Trip
