Sa panahon karon, tanang mga pasahero kanunay nga maugtas gumikan sa kadaghang pasahero ug gamay ra ang bakanteng jeep nga molabay.
Ang mga pampasaheroang mga sakyanan o mas gitawag nato nga “Jeep” mao ang mga bugtong rason kon ngano maabot kita sa atong mga destinasyon matag adlaw ug gabii. Gani, nagsilbi kini nga tigtubos kanato ilabi na sa mga tawong wala’y kaugalingong sakyanan.
Tungod kay nagkadaiyang tawo ang mosakay niining maong matang sa sakyanan, angayan nga hinuklugan kining safety tips gikan sa www.tinyswot.com aron mas dali ang pagbiyahe ug dili usab mag-ugtas ang driver ug ang kaubang mga pasahero.
Tips
Kanunay nga magpadaplin kon anaay nagpadulong nga jeep aron makahunong og tarong.
Mosakay dayon sa jeep ug alerto kanunay.
Kon puno na ang jeep, dili na pugson nga mosakay aron dili maglisod sa pagpangita og lugar nga kalingkuran.
Ang mga jeep adunay nakadistino nga rota mao nga dili magdahum nga ihatod gyud ka bisan asa ka gusto nga magpahatod.
Dili mokapyot sa jeep aron dili madakpan ang driver.
Dili kanunay nga maglangas ug molingkod og tarong.
Sikitan og tarong ang paglingkod aron mahiluna usab ang uban nga manakay.
Kanunay nga magmatngon sa palibot.
Likayan ang pagsul-ob og mga mahalon nga alahas aron makalikay sa snatcher.
Likayan usab ang kanunay nga pagtuplok sa cellphone aron dili kini masigpatan sa mga kawatan.
Ang mga pasahero obligado nga motunol og plite paingon sa driver o sa konduktor. Kanunay nga mamalihog ug di kalimtan ang magpasalamat.
Mopahibawo una sa driver kun asa monaog aron makabana-bana ang driver sa iyang pagpadaplin atol sa paghunong.
Dili magbanha sulod sa jeep aron dili makadistorbo sa ubang pasahero.
Kanunay nga mag-ampo matag biyahe.
Source: www.philstar.com
Image credit: asiatravelbug.net
