TIPS sa Ting-ulan
- Ayaw na paggawas pa sa inyong panimalay ug kusog ang ulan labi na ug wa kay importanteng buhaton.
Kini nga panahon makahatag kanimo ug kalangan labi na ug trapik kaayo sa kadalanan ug pwede pud ka mastranded tungod sa baha.
- Magsul-ob ug sanina nga maka protekta kanimo sa bugnaw nga panahon.
Kung di jud malikayan ang paglakaw, gikinahanglan kag mga sanina nga maka protekta kanimo sa tugnaw ug pagkabasa sa ulan.
- Ayaw pag salud ug tubig sa ulan.
Kining tubig sa ulan kung masalud nimo gikan sa inyong mga balde o dikaha palanggana, kinahanglan nga iyabu dayon o di kaha e bubu sa mga talamnon ug panglimyo sa inyong palibot. Kining tubig sa ulan ang usa sa hinongdan sa itloganan sa mga lamok labi na ug ting-ulan.
- Andama ang mga gamit pang emergency.
Mga pagkaon nga noodles ug canned goods ang pwede nimong andamon ug mga emergency kit susama sa mga tambal ug flashlight labi na ug mawala ang kuryente sa panahon nga mobagyo.
- Bantayan ang mga pahayag sa PAGASA.
Andama ang imong kahiman susama sa Radyo ug pag andam usab ug extra nga baterya para makapaminaw sa balita sa radio mahitungod na sa dagan sa panahon.
Source: http://kalusugan.ph
Picture Source Credited To: http://www.scoopnest.com
