i Kalami! ‘Ting-ulan Tips’

22

Karong mga panahuna sa ting-ulan kasagaran sa tawo moinom og kape o init nga sabaw samtang ang uban gustong mokaon og street foods. Wa sila makahibawo nga aduna kiniy hulga sa nagkalain-laing sakit nga mahiaguman panahon sa ting-uwan.

Adunay malaria o dengue nga dala sa mga lamok. Mahimong hilantan usab sa panahon ning ting-uwan.

1. Magdala kanunay og panang­ga sa ting-uwan.

Importanti nga magdala kanunay og payong aron sa pagpanalipod sa pagkabasa sa uwan. Ayaw paghusga sa panahon sa pagtan-aw lamang. Engkaso usab nga ikaw nagsakay sama sa bike o scooter, kinahanglan nga mag sul-ob og rain coat.

2. Likayi ang pagkaon og street foods.

Daghan ang ganahan mokaon og giprito nga mga pagkaon sa panahon sa ting-uwan. Apan , sa ting-uwan, ang mantika magpabilin gihapon sa lutoanan. Kinahanglan nga moinom og mineral nga tubig ug maglikay sa pag-inom sa fruit juices ug uban pang mga ilimnon sa kilid-kilid sa kadalanan. Kini nga mga ilimnon mahimo nga maka-kuntaminado kon masagol sa tubig sa uwan nga adunay daghang hugaw nga asin.

3. Likayi ang pagpangawot.

Kon napaakan ka sa lamok, likayi ang pagkawot sa imong panit tungod kay mao ang hinungdan nga ang virus mosulod pinaagi sa imong ilong, lawas ug baba. Busa bantayi nga ang apektado nga area di madisturbo. Konsulta sa doktor.

4. Bantayi ang mga lamok.

Sa panahon sa ting-uwan, ang gidaghanon sa mga lamok nagkadaghan. Kini tungod sa napundo nga tubig nga mahimo nilang kapuy-an. Bantayi ug susiha kon adunay lamok ang inyong coolers o pabugnawanan.

Ilisi kini matag-adlaw. Ang uban usab nga mga lugar nga mahimong mapunduhan og tubig mao ang mga flower pots, aquariums ug mga kanal.

5. Pag-inom og herbal tea.

Kinahanglan usab nga moinom og herbal tea nga adunay anti-bacterial properties. Makatabang kini sa pagpalig-on sa inyong resistensiya ug makatabang sa pagpalambo sa resistensiya gikan sa mga kagaw.

(kitchenplatter.com/index.php/5-tips-stay-healthy-rainy-season/ Irah S. Abajon, PIT-AB Com Intern)

Source: https://www.sunstar.com.ph

Picture Source credited to: http://kalusugan.ph

Facebook Comments