SA ginaingon pa sa kadaghanan, mas maayo pa ang pagpugong sa bisan unsa nga panghitabo kay sa pagpa-alim niini. Ug bisan pa man og niagi na ang Fire Prevention Month, wa kini nagpasabot nga luwas na kita sa piligrusong sunog nga mamahimong mahitabo sa ato mismong panimalay. Ania ang mga paagi aron mapugngan ang sunog.
1. Smoke alarms
Pagbutang og smoke alarm sa nagkadaiyang mga suok sa imong panimay labi na sa duol o sulod sa imong katulganan. Suwayi kini matag karon ug unya ug ilisi ang bateriya niini kaduha sa usa ka tuig.
2. Ayaw biyai ang kusina
Ayaw gyud pagbiya-i ang imong gilutoan nga kaldiro, kaha, electric skillets o ang uban pang mga gamit pangluto. Bantayi sa kanunay ang imong giluto kon ikaw naggamit og mantika o mga pagkaon nga sebohon sama sa hamburger o ba kaha bacon.
3. Bantayi ang kurtina ug tualya
Ipalayo ang imong mga gamit sama sa towel, artipisyal nga mga tanom ug mga daling masunog nga mga dekorasyon ug kurtina sa flames ug heating elements sa kusina. Siguraduha nga ang imong mga applliances nga momugna og init sama sa toasters wa nimo gibutang sa ibabaw nga bahin sa imong kabinet.
4. Smokers
Kon adunay manigarilyo nga kauban sa pamilya, sa gawas kini papanigarilyua ug hatagi sila og dako nga ashtray nga anaay sand o bas. Siguradua nga ang smoking area layo sa mga patay nga dahon sa tanum, nagtapok nga mga sagbot ug mga ginuba nga butang ingkaso. Kini kon ingkaso aksidenting malabay ang upos nga sigarilyo.
5. Electrical cords
I-tsek ang imong mga mga electrical cord aron masigurado nga wala kiniy daot. Ayaw pag sumpay-sumpaya ang mga cords.
6. Tagoi
Ibutang ang mga lighter ug posporo sa locked drawers o kabinet nga layo sa mga bata.
7. Susiha ang LPG
Ang regular nga pag check sa inyong LPG gikinahanglan aron dali ninyong mabantayan kon aduna pa kiniy leak nga pwede moresulta sa sunog.
(Tinubdan gikan sa www.catalogs.com/info/bestof/top-10-ways-to-prevent-fires / Bureu of Fire Prevention / Marjorie Padin, Robhe Jane Yara ug Marie Caman CNU Comm Interns)
Source:www.sunstar.com.ph
Picture Source Credited To: masnewspaper.wordpress.com
