Halos tanang mga managtiayon ug manag-uyab naghandom nga magmalambuon unta ang ilang relasyon. Apan, sa usa ka relasyon dili permanente kini nga malipayon, natural ra nga makasinati ta og kasakit gumikan kay kita nahigugma man. Busa sa pag-atubang sa mga hagit ug pagsuway niini ug aron magpadayon kining himsog nga relasyon, aniay pipila ka mga sumbanan aron magmalipayon sulod sa usa ka relasyon:
1. Respeto sa usag-usa – Kanunay ka bang nasayod kon unsa nga mga butang ang di ganahan o ganahan sa imong pares? Kon unsay makapaguol o makapalipay kaniya? Kini maoy imong diskobrehon ug buhaton sa kanunay.
2. Pagsalig sa usag-usa – Kon ikaw makighinabi sa ubang lalake o babaye, masuko ba dayon ang imong pares? Kon ikaw dili mo-text o mopahibawo niya kon asa ka, mahimo ba nang hinungdan sa inyong panaglalis?
3. Pagkamatinud-anon sa usag-usa – Sa usa ka relasyon naay usa ka kutlo nga “Honesty is the best policy.” Kinahanglan nga di mamakak sa usag-usa aron ang relasyon molungtad ug dili pud mahimong bakak.
4. Pagsuporta sa usag-usa – Kanunay kitang gaatubang og daghang mga problema sa atong kinabuhi. Apan sa kadaghan sa mga pagsulay, ikaw isip usa ka pares, kinahanglan nga naa pirmi sa kiliran sa imong hinigugma sa panahon man sa kalipay o kasakit.
05. Pag-ampo – Importante sab sa usa ka relasyon ang pag-ampo aron mapadayon ang kalig-on ug adunay gasa gikan sa Ginoo ug mga tawo sa palibot labi na sa pamilya ug mga higala.
Sources: www.sunstar.com.ph, (Rizza J. Jairi CNU BA-Communication Intern)
Image credit: https://thread.zalora.com.ph
