Ang Laguindingan isa sa munisipyo sa Misamis Oriental nga dali ang progreso.Giila isip usa ka dali ang pag tubo sa mga nagkalain laing establisemento labi na ang Laguindingan International Airport diin mao kini ang sentro sa dalan sa aviation labi na ang duol nga siyudad sa Cagayan de Oro ug Iligan City ug uban pang mga munisipyo sa maong dapit.
Ug tungod niini nagkalain laing mga turista ang gakawiling mubisita sa lugar ilabi na sa mga turistang taas ang paghulat ayha ang ilahang mga flight.Pwede man makalaag ug i diskubre ang kanindot sa lugar ilabi na mismo duol sa Laguindingan.
Adunay duol nga lugar nga dali rang mabisitahan kini ang akong nakaplagan nga ginatawag nilang Tubajon Aqua marin Water Park and Fish Sanctuary nga naa nahimutang sa Barangay Tubajon duol mismo sa Laguindingan airport.Dinhi nimu ma experience ang sanctuaryo sa tubig diin mabatian ug magustuhan nimu ang nagkalain laing aktibidades sama sa trekking,boating ug ang pagrelax sulod sa maong park.
Kung magagikan ka sa Cagayan de oro City pwede kang musakay ug taxi or bus padulong sa Laguindingan Airport muabot hangtod 45 minutes o hapit isa ka oras ug gikan sa national highway pwede kang musakay ug motorsiklo nga ginatwag nilang habal habal muabot hangto 10-15 minutes para maabot sa Tubajon Aqua Marine Water Park and Fish Sanctuary.
Pag abot sa lugar sa entrada pa lamang mabati na nimu ang ayahay nga talan-awon sa 20 ektaryang mangrove diin laing mga klase sa mga langgam ug organismo sa iyahang natural ngapinuy-anan.
Ang entrance fee magkantidad lamang sa Php20 para sa mga dagko ug Php 10 alang sa mga bata .
Samtang padulong sa sulod sa park pwede ka gihapong makarenta ug cottage sulod sa mangrove nga kalasangan naa sa Php 400 hangtod Php500 depende sa size sa cottage nga inyong gusto nga pwedeng makapicnic ang imung pamilya ,higala ug minahal sa kinabuhi busa unsa pay inyong gihulat ayaw na kalasi ang panahon para makapag relax bisita sa Tubajon Aqua Marine Water Park and Fish Sanctuary.
