General Santos City—Gikumperma sa Joint Task Force Gensan nga gikatakdang ibalhin ngadto sa Taguig City ang asawa ni Owayda Benito Marohombsar alyas Abu Dar, ang lider sa Maute-ISIS group nga napriso karon sa Fatima Police Station.
Sumala ni Col. Adonis Bajao, Commanding Officer sa Joint Task Force Gensan nga sa karon dili pa nila masulti kung kanus-a gyud ibyahe padulong sa taguig si Nazifa Pundog.
Sa kasamtangan nagpabiling hugtanon ang gipatumang seguridad sa Police Station 7 aron nga masigurong dili marescue ang nasangpit sa iyang bana nga si Abu Dar sama nalang sa gihimo niini samtang napriso si Nazifa sa Marawi City ayha pa nahitabo ang Marawi Siege sa nakalabayng tuig.
Facebook Comments
