Gina-imbestigahan na sang Iloilo City Police Office ang paggamit sang wala makilala nga tawo sang ngalan ni governor Arthur Defensor Sr. sa pag-order sang pagkaon sa pila ka mga kilala nga restaurant sa siyudad sang Iloilo kag pag-paload sa nagkalain-lain nga numero sang cellphone.
Ginpahayag ni Provincial Administrator Raul Banias nga ginpalab-ot nila sa mga pulis ang nasambit nga kaso agud ma-imbestigahan kag matumod kon sin-o ang nagagamit sang ngalan ni governor Defensor sa pagpanonto.
Naga-coordinate naman sa National Telecommunications Commission ang ICPO para sa posibilidad nga ma-trace ang numero nga gingamit sang natungdan nga tawo sa pagpanonto.
Photo from web
Facebook Comments
