Maga-deploy na sang mga personnel ang Iloilo City Police Office sa mga patyo sa Oktubre 31 pa lamang nga bisperas sang piyesta minatay.
Ginpahayag ni ICPO spokesperson Police Sr. Inspector Shella Mae Sangrines nga ginalauman nila nga may mga pumuluyo na nga magapadulong sa mga patyo sa bispersa pa lamang sang piyesta minatay.
Subong man sa adlaw mismo sang piyesta minatay sa Nobyembre 1 nga amo gid ang adlaw sang pagdagsa sang mga magabisita sa mga patyo.
Magluwas sa mga pulis nga igadeploy sa mga patyo, igapalapta man sang ICPO ang mga personnel sang traffic investigation ang enforcement unit agud magbulig sa TMTRO sa pagdereher sang trapiko nga ginalauman magagutok sa adlaw sang piyesta minatay.
