Tag-andam na an City Cemetery para sa pagbisita nan publiko kuman All Saints Day sanan All Souls Day sa Novembre 1 sanan 2. Sa pagbisita nan RMN DXRS sa pampublikong sementeryo sa syudad nakit-an na ini taglimpyohan na sanan gipakilid na an mga basura lakip an pagplastar sa mga agihanan sa publiko suyod sa sementeryo. Napanid-an lamang sa RMN Surigao na jauy mga nangaguba na mga pantyon tungod sa gidugayon na nan ini sanan resulta isab sa kusog na pag-igo sa linog sa milabay na Pebrero sanan ini waya na mapadajaw sa mga hingtundan na tag-ija sa namatay. Hinuon an iban na tag-ija an napahibayo na pero nagdumili sa pagpadajaw tungod sa rason na way ila kwarta o budget para ini marepair. Sa pagkakuman ini giplastar na lamang sa caretaker nan sementeryo para dili kahadlokan tan-awon sa mga mobisita labina kay nakatiwangwang o buak na an mga pantyon sanan makit-an na an mga kalabera o bukog sa namatay.(RadyoMaN Jerson Fuentes)
