Nakatipon sang 44 ka bags sang dugo ang Philippine Red Cross pinaagi sa blood letting activity nga ginpangunahan sang Iloilo City Police Office kabuylog man ang Iloilo Baptist Church.
Ginhiwat ang blood letting activity bilang kabahin sang ika-24 ka tuig nga selebrasyon sang Police Community Relations Month subong nga bulan sang Hulyo.
Naglab-ot sa 140 ang mga blood donors nga nakigbahin sa aktibidad kon sa diin isa man sa nagpakuha sang dugo si ICPO Director Police Col. martin Defensor.
Ginpahayag ni ICPO spokesperson Shella Mae sangrines nga katuyuan sang ila ginhiwat nga blood letting activity nga makabulig sa mga pumuluyo nga nagakinahanglan sang dugo ilabi na sa mga biktima sang dengue.
Facebook Comments
