General Santos City— Nagpahigayon ug oplan galugad ang PDEA 12 sa pagpanguna ni PDEA Director Gil Castro uban ang kapulisan sa Cotabato Police Provincial Office ilawom sa superivision ni Provincial Director Police Senior Superintendent Emmanuel Peralta.
Sumala kang Director Castro nga ubay-ubay nga mga kontrabando ang ilahang narekober gikan sa mga lock up cell sa amas provincial jail ingon man armas, wire transferred documents ug IED components.
Pagpaklaro ni Director Castro nga magpadayon ang oplan galugad sa pdea ug kapulisan sa mga provincial jail sa tibuok rehiyon aron nga mapabiling hinlo batok sa unsa mang kontrbando ug illegal nga druga.
Pamahayag niini nga dakong tabang alang kanila ang maong mga aktibidad gumikan mapugngan ang mga dautang plano sa mga piniriso, gani sa Amas Provincial District Jail, ilahang napugngan ang posibleng pagpabusikad gumikan basi impormasyon nga nakaabot kanila, adunay plano nga pasibaton ang mga grupo sa mga tigpamomba, kindapper ingon man ang may kasong patay.
Rason nga pinaagi sa maong oplan galugad, ilaha kini nakumpirma gumikan sa narekober nga IED components. Pasigarbo niini nga apil sa mga tumong sa oplan galugad mao ang mapugngan ang mga lakang nga ginahimo sa mga piniriso aron nga makasibat ang mga high risk nga nilang kaubanan.
Dugang pa niya nga kinahanglan ang mga piniriso ang magpabiling piniriso ug wala nay katungod nga maghimo ug unsa mang kasamok gumikanm, gipaningkamutan sa otoridad nga sila madakpan aron nga maundang ang iklahang dautang hinimuan.
Samtang, giangkon ni Director Castro nga luyo pa man sa hugot nga pagbantay sa siguridad sa Amas Provincial Jail, aduna gihapoy makalusot nga mga kontrabando gumikan sa mgapanabotahe sa pipila ka mga jail guard.
Gani, duha sa mga jail guard ang gipa-ilawom sa imbestigayson ug gisubmitar na ngadto sa BJMP national ang ilahang mga pangalan nga maoy gituuhang ka-kuntsaba sa mga piniriso aron nga makapasulod ug kontrabando.
Apan, gipaniguro ni Director Castro nga ilahang tutukan ang aksyon nga himuon sa BJMP batok sa mga personahe niining nakasupak sa ilahang mga tahas.
