Gipablotter sa kapolisan ni Bishop Felixberto Calang sa Iglesia Filipina Independiente kon IFI ang pagka-apil sa iyang pangalan isip gasuporta sa New Peoples Army kon N-P-A.
Matud ni Bishop Calang nga dili kini tinuod tungod kay walay NPA nga anaa permanente sa altar ug sa syudad.
Dugang pa ni Calang nga kung ang mga lumad nga anaa sa Barangay Macasandig karong panahona ang gipasabot nga mga sakop sa NPA, siya mismo ang moingon nga dili kini mga NPA tungod kay igo lamang kini nga nagpalayo sa kagubot tali sa gobyerno labi na sa militar.
Matud pa ni Calang nga taudtaud na kining isyu kaniya sa red tag hinungdan nga kini ang iyang gasutaon gikan mismo sa kapolisan.
Gihangyo usab karon ni Bishop Calang ang tabang sa kapolisan aron masayran kinsa ang mga tawo nga nag-red tag kaniya.
Matud ni Bishop Calang nga naglaum siya nga pinaagi sa ilang imbestigasyon, aduna nay mahimong resulta.
Dugang pa ni Calang nga hangtud karon wala pa siyay nadawat nga resulta ug nagtuo siya nga ang kapolisan makahimo sa tukmang imbestigasyon aron matagaan og sulbad ang iyang giatubang nga red tagging.
