Mipalag si Bishop Felixberto Calang sa Simbahang Iglesia Filipina Independiente kon IFI sa upat ka mga Congressman sa Cagayan de Oro ug Misamis Oriental kinsa mibotar pabor sa 1 year extension sa Martial law sa Mindanao atol sa ilang regular session sa kongreso kagahapon sa hapon.
Matud ni Calang nga posibling wala makita ni Congressman Rolando Klarex Uy, Congressman Maxie Rodriguez, Congressman Juliet Uy ug Pedro Unabia ang epekto sa Martial law sa Mindanao.
Matud ni Calang nga tungod sa Martial law daghan sa mga lumad ang nangbakwit sa kabukiran tungod sa sunod-sunod nga military operation.
Mipalag si Calang sa Extension sa Martial law kay alang sa Simbahang IFI dili militar ang solution pagsulbad sa mga kasamok sa Mindanao apan pinaagi sa sabot-sabot sa kalinaw.
Gipasabot ni Bishop Calang nga ang Martial law maoy nakababag sa resumption sa Peace talk tali sa gobyerno ug National Democratic Front.
Apan kon ang pondok negosyante ang pangutan-on, walay problema alang kanila ang extension sa Martial law.
Matud ni Businessman Efren Uy, Board of Trustees ug past President sa Cagayan de Oro Chinese Chamber of Commerce kon Oro chamber nga dako ang natabang sa Martial law sa pagmentinar sa kahusay ug kalinaw dinhi sa Mindanao.
Una pa niini si Mayor Oscar Moreno, maoy unang nagpadayag sa iyang pag-uyon sa Extension sa Martial law sabay sa iyang pag-ingon nga walay problema ang Marial law sa Mindanao basta kanunay mopatigbabaw ang gahom sa mga silbilyan kaysa gahom sa militar.
