iFM Comfort Room,
Ako diay si Forbida. Ang akong uyab DJ Maikee Gol ba, wala gyuy nausab sukad pa sa amung panagbuwag. Murag kaupat ngadto na sa lima ka higayon nga nakigbuwag ko ani niya. Naa man gud ni siyay pagkapossesive nga to the point nga wala na gani sa lugar. Bag-o ra mi nag 8 months sa akong boyfriend and I’m trying to understand him. Kay gugma lage, sige lang, padayon lang bahalag makuratan nalang ko nga magsige siyag kasuko nako.
Barkadista ko iFM Comfort Room, kahibaw ko ana. Naa koy pagkaboyish and most of my friends kay mga laki. Dili man ko palahubog but muparty ko sa weekend with friends. Mao bitaw nang nagkaila mi sa akong boyfriend. I realized nga mas strikto siya sa personal pero at first, I took it positively kay inlove man lage. Kiligon ko sauna nga masuko siyang mulaag ko sa weekend. Dili mi usahay magkita sa weekends man gud DJ kay lainlain man ang iyang schedule sa trabaho. Architect ni siya DJ.
Actually, sauna nga amung gikabuwagan, at first instance kay kana lageng nagcommunicate pa siya sa iyahang ex but iyang reason kay proper closure na lage kuno and all. 3 years sila sa girl by the way. Sakit sad baya, nagoverreact ko, maayo nalang gani kay winner siya sa akong heart basta maglambing siya, wala ra kaabtig adlaw, nagbalik rami. But as the days went by, daghan na kaayo siyag reklamo sa kanang times nga suguon ko sa akong mama nga mangumpra sa mall. Siya na gani ang wala makakuyog nako kay naa siyay gibuhat, siya pay masuko nga ako rang usa ang mulakaw. Di ba libog ? Unya gibawalan nako niya magkuyog sa akong mga barkada nga mga laki kay babay daw ko ug uyab nami. Unsa nalang kuno ang hunahunaon sa mga taw nga kami ang uyab pero lahi nga laki ang akong kuyog. Nasakpan ra gani ko niya nga wala nituman sa iyang gusto, wala na daw koy love niya. OA ra ?
So akong problema is nagbuwag mi paglast kay wala na lage naagwanta nga super OA ra kaayo siya, babay ra ba kaayog baba sa text pero kung mag-atubang nami to settle the issue, magpaitoy-itoy. Dali ra jud nga mamelt akong heart sa iyang mga lambinglambing. Pasaylo ug balik na sad.
Babay pa man jud akong uyab kaysa nako iFM COmfort Room. Kada buwag, magsigeg sorry ug mag-ingon nga mag-usab. Pero kung magbalik, mao ra gihapon, Exaggerated ra kaayo, OA jud nga pagkauyab. Kapila na gani siya nakatext nakog mga bad words. As they say, the heart forgives but it never forgets. Sobraan ra sad unya bag-o pa gani mi. Possesive kaayo, makatuok. Unsaon man ni nako siya paghandle DJ Maikee Gol ? Unsaon nako paghandle sa amung relationship nga murag di man jud mi compatible ? Or mas better nga magbuwag nalang jud mi?
Thank you for choosing my letter. Request lang ko ug song ” Sa Kanya” by MYMP.
Yours truly,
Forbida
***
Gusto ba kang makadungog sa mga tambag para sa atung letter sender ? Paminaw lang sa programang iFM Comfort Room kauban inyong DJ Maikee Gol (FB: Maikee Gol Ifmcebu) matag 1-3PM (Mondays-Saturdays). Please also visit our official Facebook Fanpage www.facebook.com/ifmcebuofficial/
Para sa mga gustong mamahimong letter sender , share your stories sa ifmcomfortroom@gmail.com
Daghang salamat. Sa sunod na pod nga sugilanon, idol !
