iFM Comfort Room,
Just call me Lady Karma, 19 years old. Tambagi ko DJ Maikee Gol. Buntis ko karun ug gusto na jud kaayo nako ning ipalaglag ang bata. Nawagtangan na jud ko ug paglaum. Tungod sa kamaldita sa akong mama, nakigbuwag nalang sad nako ang akong boyfriend, kining father sa bata nga akong gibuntis.
Akong mama, usa ka caretaker ug balay. Bisag naa siyay trabaho, dili man siya katarung ug paeskwela nako. Kada naay bayranan, yawyaw ra gyud akong madawat ug dili kwarta. Gatoo siyag pirmi lang ko gabinuang sa eskwelahan. Maikog nalang gani kaayo ko nga magsige lang ug pangayu or utang sa akong mga classmate. Walay kaon usahay maglakaw pako bahalag kalayo sa distansya sa amua ug eskwelahan. Dagmalan pa gyud kaayo akong mama. Wala pa gani ko makahuman ug explain, nakumutan na ang akong buhok. Dili jud siya maminaw nako iFM Comfort Room. Di jud siya ka-blame kung nganu nako karun.
Nakauyab ko. Ganahan gani unta gani ko nga ipahibaw ni sa iyaha, pero nakauna man siya. Wala ko niya pasudla sa klase ug pila ka-adlaw. Kung wala pa mupakita amung maestra sa amua, dili jud siguro ko makabalik ug sulod sa klase. Padayon gihapon ko uyabuyab, hangtod nakaila nako ning father sa akong gibuntis. Siya maoy mupakaon nako, muhatag ug kwarta. Mas tarung pa kaysa sa akong mama. Karun nabuntis ko, willing ra man unta siya nga mangamahan pero naay nahitabo nga dili maayo.
Sa dihang akong gipahibaw si mama sa niaging semana, iya kong gikumot ug gilambuyog. Gipagawas ko sa balay. Gipakauwawan ko atubangan sa nagtapok namu nga mga silingan. Gipalayas ko niya. Wala koy nahimo, niuban nalang ko sa akong uyab.
Sa dihang naabot na sad ko sa balay sa akong uyab. Mafeel man nako nga murag lahi ra man jud ang pagtrato sa iyang ginikanan nako samot na iyang igsuon nga bayot. Klaro kaayong di ganahan nako. Dungog nako nga ana sila, igat daw ko. Wala nako paminawa kay basta naa akong uyab, andam manalipod. Pero, wala kaabti ug duha ka adlaw, naabot lang ug kalit akong mama sa balay sa akong uyab gadala ug tanod. Lahi iyang gipalakad nga isturya sa mga taw. Nga gitago kuno ko sa akong uyab. Maong napugos nalang ko ug uli. Tungod ana, nakigbuwag nalang akong uyab kay dili daw niya kaya amung sitwasyon.
Karun, naa ko sa balay unya wala miy tingugay sa akong mama. Iya jud kong pugson nga mueskwela, mauwaw nako iFM Comfort Room. Gusto kong makarma akong mama, gusto ko nga mawala siya aning kalibutana. Wala na jud koy nawong ikaatubang sa mga taw ug sa akong mga classmate human sa tanan. Kalayason ko. Gusto kung mawala ning bataa. Naglibog ko. Tambagi ko.
Ang nagpada,
Lady Karma
Gusto ba kang makadungog sa mga tambag para sa atung letter sender ? Paminaw lang sa programang iFM Comfort Room kauban inyong DJ Maikee Gol (FB: Maikee Gol Ifmcebu) matag 1-3PM (Mondays-Saturdays). Please also visit our official Facebook Fanpage www.facebook.com/ifmcebuofficial/
Para sa mga gustong mamahimong letter sender , share your stories sa ifmcomfortroom@gmail.com
Daghang salamat. Sa sunod na pod nga sugilanon, idol !
