TACLOBAN CITY – May mga report hin vote buting ha Eastern Visayas, gin oopiran an mga botante hin maabot P5,000
Sumala kan lawyer Felicisimo Embalsado, assistant regional director han Commission on Elections (Comelec), nakakabati na hira hin mga pamalit hin botos pero diri ini nira aaksyunan kun diri dokumentado.
“Diri la igpost ha social media kundi maghimo gihapon hira hin affidavit kun karuyag nira magreklamo.”
Apila utro ni Embalsado ha mga kandidato ngan botante nga diri mag engage hin vote-buying o vote-selling, waray hini maupay nga nahihimo.
“Huna hunaon nira an impact hini, kumarawat hira tikang ha kandidato, hira la gihapon an lugi hini.”
Dugang ha pamahayag han opisyal han Comelec, dako it mababawi han kandidato pag ada na ha pwesto.
“Corruption it gawas hini,” siring ni Embalsado.
Siring ni Embalsado, an mga kandidato ngan botante nga na engage hin vote-buying in pareho nga mapepreso ha sakob han unom katuig ngan maatubang hin kaso nga disqualification from public office or elective positions.
Ha Tacloban, may mga report nga tag P20 tubtob P50 an iginpapanhatag. An iba nagpakasubri nga may ngaran hin kandidato.
Ha Basey, Samar naman, maabot ha P5,000 an iginpapanhatag.
