Adunay igo nga supply sa NFA rice sa probinsya sa Bukidnon.
Sa interview sa RMN DXMB Malaybalay gibutyag ni Ma. Celeste Gaabucayan, ang provincial manager sa National Food Authority kon NFA nga sukad nga niabot ang bugas sa Bukidnon ila na kining gipang-apod-apod ngadto sa ilang mga accredited rice retailers kon bigasan ng bayan outlet.
Gidugang pa sa provincial manager nga gihimo na nila karong 15 ka sako kada semana ang ilang gi-apod-apod ngadto mga accredited retailers gikan sa 10 ka sako lamang.
Nanawagan usab siya sa mga accredited retailers nga unta i-apod-apod sa angay ang NFA rice kung asa tugutan lamang nga makapalit ang kada costumer gikan sa 3 hangtod 5 ka kilo.
Una nang gibutyag sa NFA nga bugtong mahimo lamang nila mao ang pagmonitor sa presyo sa kada commercial rice ug wala silay mahimo sa pagkontrolar sa pagtaas sa presyo niini.
Sa karon naa pa usab daw silay nakita nga baligya sa commercial rice nga gikan sa 40 hangtod 50 pesos.
