Pagadian City – Nadugangan og dul-an 80 ka mga bag-ong pulis ang probinsya sa Zamboang del Sur human ang send Off Ceremony kagahapong adlawa.
Gipakatag na sa tibook Zamboanga Peninsula ang kapin 500 ka bag-ong mga police nga gitahasan sa pagpatuman sa balaod ug dugang police visibility sa tibook rehiyon.
Sumala ni Police Brigadier General Emmanuel Luis Licup, ang director sa Police Regional Office 9, dunay 79 ka pulis ang nadestino sa Zamboanga Del Sur Provincial Mobile Force Company.
Gidugang sa opisyal nga dunay 190 – Regional Mobile Force Battalion-9; 78- Zamboanga City Mobile Force Company; 61 – Zamboanga Del Norte Provincial Mobile Force Company; ug 93 – Zamboanga Sibugay Provincial Mobile Force Company.
Gipasigarbo ni Licup nga ang bag-ong gradwar nga police officers nikompleto sa unom ka bulan nga Public Safety Basic Recruit Course (PSBRC), tunga sa tuig nga Field Training Program (FTP) ug hitysas na ang kahibalo isip law enforcement officers.
