Dako ang pasalamat ni Catarman Camiguin Kapitan Toping Rodriguez sa kapolisan sa probinsiya, tungod kay nagmalinawon ang pagsaulog sa Semana Santa sa ilang lugar.
Matud ni Kapitan Rodriguez nga nasubo lamang siya tungod kay miubos ang ihap sa mga tawo nga mibisita ug misaka sa walkway, kung ikompara sa kanhi nga mga katuigan.
Dugang pa ni Kapitan Rodriguez, nga usa sa mga factor o hinungdan niini mao ang pagkatunong sa semana santa sa Marso diin daghan ang mo-graduate nga mga estudyante, ikaduha ang nagmahal nga pletehan sa lansa, ug ang nagkadaghan nga lugar nga mahimong adtoan sa katawhan aron nga magpenetensiya.
Gawas niini, nagmahal usab ang bayad sa mga tourist spots sa isla, sama sa walkway nga kaniadto libre, apan karon aduna nay bayad nga 10 pesos.
