By: Joanna Ricote
Mikanaog sa 66% ang ihap sa mga nataptan sa sakit nga dengue sa tibuok Region X.
Basi sa datus sa Department of Health Region X, nga ning tuiga, adunay lang 6037 ang natalang nataptan sa sakit nga dengue.
Sa maong ihap, 1476 niini ang gikan sa Cagayan de Oro, 520 ang Valencia City Bukidnon, 397 ang sa Iligan City, Lanao del Norte, 275 ang sa Ozamis City, Misamis Occidental, 263 ang sa Malaybalay City, Bukidnon. 215 ang sa Gingoog City, Misamis Oriental, 153 ang sa Maramag Bukidnon. 133 ang sa Manolo Fortich Bukidnon., 114 ang sa Tangub City Misamis Occidental, ug 107 ang sa Quezon Bukidnon.
Samtang, gitin-aw sa DOH-X, nga bisan og walay labot ang region X sa dengue vaccine nga gama sa Sanofi apan adunay mga pribadong doctor ang mihimo sa pag gamit sa maong produkto.
Sa kasamtangan, gihimo sa DOH ang pag monitor sa mga pribadong hospital sa tibuok rehiyon.
