Ihap sa mga nitahan, padayon nga nitaas

31

Gipahayag sa 403rd Infantry Brigade, Philippine Army nga padayon ang pagtaas sa ihap sa mga New Peoples Army, ug mga tig-suporta niini nga nibalik sa sabakan sa gobyerno. Sa interview sa RMN ngadto kang Cpt. Norman Tagros, ang Civil Military Operations Officer sa 403rd, gibutyag ninii nga daghan na ang nitahan nga gikan sa nagkadaiyang dapit sama sa lungsod sa San Fernando, Quezon ug siyudad sa Valencia. Naglangkob kini sa mga regular nga miyembro sa NPA, militia ng bayan, mass base supporters ug opisyal sa Communist party of the Philippines. Matud ni Tagros nga mao usab kini ang nagsumbong sa kasundaluhan kung aha gitago ang mga supplies sa NPA. Sigun niini nga muabot sa 20 ang nitahan dili pa lamang dugay ug padayon kining nadugangan halos kada adlaw. Gidugang pa ni Tagros nga gikan sa Enero 16 ning tuiga, mukabat na sa 7 ka armas nga naglangkob sa m16 rifle, machine gun, 45 kalibre nga pistol ug 38 revolver ang gisurender ngadto kanila.

Facebook Comments