Misaka sa 329 ka mga person under monitoring kon PUM, ang nalista sa city health office CHO, human nadugangan kini sa pito, niadtong May 1.
Kini ang gibutyag ni City health officer Dr. Lorraine Nery, sabay sa iyang pag-ingon nga kini nga record gikan sa March 14 ngadto sa Mayo 1.
Matud ni Nery nga gikan niadton May 1, ang maong mga PUM mikabat lamang sa 322.
Dugang pa ni Neri nga ang 329 ka mga PUM, ma-oy nahimong close contact sa mga person under Investigation kon PUI nga parehong na-admit sa Northern Mindanao Medical Center, NMMC.
Gikan sa 329 ka PUM, mikabat na lamang sa 77 niini ang ilang gibantayan sa CHO samtang naka-quarantine, matud ni Dr. Nery.
Gipasabot ni Nery, nga ilang gila-oman nga mosaka pa ang ihap sa mga PUM ning syudad, samtang na-a pay na-admit sa NMMC nga mga suspected ug nagpositibo sa Covid 19.
