Ihap sa nagparehistro sa sakyanan sa Region 10, misaka sa 17%

Misaka sa 17% ang mga narehistrong sakyanan sa Northern Mindanao o Region 10.

Basi sa datus sa Land Transportation Office kon L-T-O Region 10 nga sa ikaduhang quarter sa tuig 2018, misaka sa 17% ang gidaghanon sa mga sakyanan nga narehistro kung itandi sa tuig 2017.

29% usab ang gisaka sa gidaghanon sa mga bag-ong nagparehistro samtang 23% ang labaw sa nag renew sa ilang mga sakyanan sa ikaduhang quarter sa tuig 2018.

Nasayran nga mikabat sa 121,214 ang mga narehistrong motor vehicle sa susamang period kung itandi sa 103,239 sa ikaduhang quarter sa tuig 2017 samtang 74,113 nga mga drivers license ang na renew gikan sa 66,648 nga nag pa renew sa milabayng tuig.