Nisaka ang ihap sa mga nagsakit sa dengue ning syudad sa Cagayan de Oro.
Basi sa record sa City Health Office, niabot sa 1,429 ang dengue cases sa syudad gikan niadtong Enero hangtud Setyembre ning tuig 2018.
Matud ni City Health Officer Dr. Rachel Daba-Dilla nga sa maong ihap, napulo niini ang namatay tungod sa dengue nga gikan sa Cagayan de Oro, 15 sa Misamis Oriental, 12 sa Bukidnon, usa sa Camiguin ug usa sa Oroqueta City.
Nasayran nga dinhi sa Cagayan de Oro, and dunay pinakataas nga kaso sa dengue mao ang Barangay Carmen, Lapasan, Kauswagan, Bugo, Balulang, Iponan, Lumbia ug Camaman-an.
Luyo niini, giaghat ni Dr. Dilla ang katawhan nga imintinar ang 4S o searching and destroying mosquito breeding places; securing self-protection; seeking early consultation; ug supporting fogging and spraying in hot spot places.
