Zamboanga del Sur – Nisutoy ang ihap sa Persons Under Investigation (PUIs) lakip na ang Persons Under Monitoring (PUMs) dinhi sa probinsya sa Zamboanga del Sur kini base sa datos nga ulahing gipagawas sa Integrated Provincial Department Health Office (IPHO).
Subay sa updated report nga gipagawas sa ZamboSur Task Force Covid-19, nakatala na sila karon ug 29 persons under investigation (PUIs) samtang ang person under monitoring (PUM) misaka sa 5, 272.
Sa maong ihap sa mga PUIs, upat (4) niini ang naka-confine sa duruha ka mga hospitals sa probinsya nga gilangkuban sa Margosatubig Regional Hospital (MRH) ug Zamboanga del Sur Medical Center (ZDSMC) sa dakbayan sa Pagadian.
Samtang sa ihap sa PUM, anaa sa 63 ka mga indibidwal ang ang nakakompleto sa katorse diyas nga self quarantine.
Angay sayran nga nagpabilin nga gawasnon o luwas ang siyudad ug probinsya sa maong balatian nga mas naila nga coronavirus disease (COVID-19).
