Ika-10 sa drug watchlist sa Davao City dakpan na-inquest na

Davao City – Gi-inquest na sa Sta. Ana Police Station ug nakasohan na ang ika-10 sa drug watchlist sa Davao City giila nga si Benjie Hermosura, alyas ‘Jay ar’, 42-anyos, DPWH heavy equipment operator ug kauban nga sila Island March Apat, 34-anyos ug Edward Bugnos, 39-anyos.

Sumala pa nasikop og napalitan ang mga suspect sa illegal nga droga sa joint buy bust operation, alas 4:20 sa hapon Enero 22, 2024 sa Purok 11, Barangay Communal, Buhangin District, Davao City.

Sa interview sa DXDC RMN Davao kang PLT Col.Ronald Lao Station Commander Sta.Ana Police Station gibutyag niini, kasong kalapasan sa RA 9165 o Comprehensive Dangerous Drugs Act of 2002 ang napasaka batok sa mga suspect.

Narecover gikan sa posisyon sa mga dinakpan ang gituohang shabu nga motimbang sa 15.04 grams, mokantidad og P102,272.00, usa ka magazine nga adunay 15 ka bala sa 9mm pistol ug usa ka holster.

Gipasabot sa opisyal, ang pagkasikop sa mga suspect kabahin kini sa mas gipakusgang kampanya kontra illegal drugs sa tanan Police Station sa dakbayan sa Davao.

RadyoMaN Don Pulayao