Nangandam na karon ang Department of Labor and Employment o DOLE uban sa mga pribado ug pampublikong kompanya dinhi sa rehiyon alang sa ika- 117 nga Labor Day celebration karong umaabot Mayo 1.
Nakig-koordinar na ang DOLE sa Department of Trade and Industry o DTI, Technical Education and Skills Development Authority o Tesda, City Government of Cagayan de Oro, Philippine National Police o PNP, Philippine Information Agency o PIA, Limketkai and Sons, Inc., ug PLDT Philcom alang sa ipahigayong 2019 Labor Day job and business fair.
Isip usa sa mga dakong programa sa DOLE matag tuig, ginasaulog kini pinaagi sa Trabaho, Negosyo at Kabuhayan convergence program diin nakig-alayon kini sa mga local government units, private institutions ug uban pang government agencies aron masiguro ang kalampusan sa matag job fair.
