Bag-ohay lang gisaulog sa 4th Infantry “Diamond” Division, Philippine Army ang ilang ika-49 nga founding anniversary ubos sa temang “Building Sustainable Partnerships for Peace and Development”.Atol sa maong kasaulogan, nahimong guest speaker si National Economic and Development Authority undersecretary Jose Miguel Dela Rosa.
Mitambong usab sa maong selebrasyon ang nagkadaiyang Local Government Units, Line Government Agencies, indigenous people, religious sector, youth and media partners gikan sa Region 10 ug CARAGA Region.
Pipila sa kalihokan nga gipahigayon mao ang wreath laying ceremony isip paghatag respeto sa sakripisyong gihimo sa fallen 4th ID troopers aron mapatunhay ang kalinaw sa Mindanao.
Sa iyang mensahe, gihata’g bili ni Dela Rosa ang tulo ka pundasyon nga mao ang “Malasakit, Pagbabago at Patuloy na Pag-unlad” nga gihingusgan sa military.
Kini gilangkoban sa Humanitarian Assistance and Disaster Response sa mga natural calamities diin mikabat sa 62,050 ka apektadong indibidwal ang ilang natabangan.
Gawas niini, dunay kinatibuk-ang 381 nga ihap sa kanhi rebelled ang nakadawat og hinabang pinaagi sa Enhanced Comprehensive Local Integration Program o E-CLIP.
Samtang, Gihatagan usab og importansya ni 4th ID Commander Brigadier General Franco Nemesio M Gacal ang pag-antos sa tanang sundalo ubos sa 4th ID kinsa kanunay nagbantay alang sa seguridad sa tanan.
Gipasalamat pa niini ang tanang stakeholders nga misuporta sa ilang hanay.
