Ika-7 ug ika-8 nga kumpirmadong kaso sa COVID-19, natala sa siyudad sa Valencia

Natala sa siyudad sa Valencia ang ika-7 ug ika-8 nga kumpirmadong kaso sa COVID-19.

Kini human nga adunay duha nga nadugang sa nagpositibo sa mao nga sakit nga natala kagahapon, July 9, 2020.

Nasayran nga gipagawas sa DOH alas 7:14 kagabie ang resulta sa RT-PCR Confirmatory test kung asa nagpositibo ang duha.


Ang confirmed case no. 7 usa ka 40 anyos nga lalake nga usa ka returning overseas Filipino kon ROF. Nagtrabaho kini sa Saudi Arabia ug lumulupyo sa P-4, Poblacion, Valencia City. Gipailawom na kini sa istriktong isolation sa city isolation facility ug gihimo na usab ang contact tracing.

Samtang ang ika-walo nga kumpirmadong kaso usa ka babaye nga 25 anyos nga usa ka locally stranded individual kon LSI gikan sa Manila nga taga Lilingayon, Valencia City. GIpailawom na kini sa istriktong isolation sa city isolation facility ug gihimo na usab ang contact tracing.

Ang mao nga duha ka mga nadugang mao usab ang ika-5 ug ika-6 nga aktibong kaso sa siyudad sa Valencia sa karon.

Facebook Comments