General Santos City— Dako ang pagpasalamat ni Francisco Santos, apo ni General Paulino Santos sa pasidungog nga ginahatag sa syudad sa iyahang apohan.
Sumala niya nga ang paghatag ug pasidungog kang General Santos ang usa ka pamaagi sa pag-ila sa iyahang mga nahimo, alang sa syudad ingon man sa nakab-ot na sa Diangas kaniadto hangtud sa ginatamasa na karon sa General Santos City.
Dugang pa niya nga sagad wala na kaayo ginahatagan ug pagtagad ang adlaw sa kamatayon ni General Santos gumikan matabunan na sa selebrasyon sa Tuna Festival.
Apan, gipasalamatan gihapon niini ang mga opsiyal sa syudad nga ginahimuan ug pamaagi ang paghatag ug pasidungog kang general santos matag Agosto 29.
Kahibaluan nga karong adlawa, gisaulog ang ika-72 katuig nga anibersaryo sa kamatayaon ni General Paulino santos ug kini ang gitambungan sa mga opsiyal sa dakbayan sa pagpanguna ni Gensan City Vice Mayor Shirlyn Bañas, City Councilor Beth Bagonoc, Rosalita Nuñez, Dominador Lagare Jr. ingon man mga department head.
Anaa usab ang presensya sa kapulisan sa pagpanguna ni Police Senior Superintendent Romeo Ruel Berango, OIC City Director, Col. Adonis Bajao, labaw sa Joint Task Force Gensan, ingon man ang Koronadal ug Tampakan Settlement.
Adunay gipahigayon nga wreath laying ingon man pagpalupad ug mga kalapati nga simbolo sa kahapsay ug kalinaw sa dakbayan.
