ILOILO CITY – Gintugyan na ni Mayor Jed Patrick Mabilog sa Ginoo ang tanan.
Suno sa iya, himuon niya ang iya mandate bilang alkalde, ang magserbe sa mga pumuluyo.
Ini sa pihak nga padayon ang paghimakas ni Mabilog nga tapnaon ang illegal nga droga sa syudad apang padayon ini nga ginalawag ni Duterte nga protektor sang illegal nga droga.
“I surrender everything to God. This is my mission. My mission is to serve our people. So, I will serve the people according to the mandate that has been given… I know in myself that i have never protected anyone.”
Liwat nga ginpanginwala ni Mayor Jed Patrick Mabilog ang iya kaangtanan sa illegal nga droga.
Suno sa alkalde wala siya makahibalo kon nga-a nagbaylo naman ang pahayag ni Presidente Rodrigo Duterte sa diin ginpahayag sang presidente nga wala na gawa sang illegal nga droga sa Iloilo apang liwat naman ini nga naglain sa iya pinaka-ulihi nga pahayag.
Suno sa alkalde gina-welcome niya ang pag-assign ni Duterte kay PCI Jovie Espenido sa Iloilo.
