Nadugangan pa ug 1 ka kumpirmadong kaso sa COVID-19 kagahapon sa Bukidnon
hinungdan aron muabot na sa 8 ang nagpositibo sa virus ang natala sa probinsya .
Ang nadugang usa kini ka 27 anyos nga babaye nga taga lungsod sa Maramag. Usa kini ka Locally Stranded Individual kon LSI nga gikan sa Manila.
Niabot kini sa Laguindingan Airport niadtong June 13, ning tuiga ug gipailawom sa testing ug nigawas ang resulta nga nagpositibo sa COVID-19 adtong Lunes, Hulyo 14, 2020.
Sa karon anaa kini sa Bukidnon Provincial Medical Center ug nagpabilin asymptomatic.
Sa interview sa RMN ngadto kang Oscar Navacilla, ang information officer sa LGU Maramag giklaro niya nga wala nakataak sa ilang lungsod ang mao nga LSI ug sa siyudad sa Malaybalay lamang kini taman maong walay angayang kabalak-an ang katawhan sa Maramag.
Kini ang pinaka-unang kaso sa COVID-19 nga natala sa na-asoy nga lungsod.
Gi-awhag usab niini ang publiko nga sundon ang mga health protocols nga gipatuman sa gobyerno.
