Roxas City, Capiz- Nakalista kahapon nga adlaw, Hunyo 14, 2020 sang panibag-o nga kaso sang COVID-19 ang probinsya sang Capiz suno sa datos sang Department of Health Region- 6.
Si Western Visayas Patient Number 146 ang isa ka lalaki, nagapang-edaron sang 48- anyos nga taga-banwa sang Tapaz kag isa ka repatriated OFW.
May yara ini sang travel history sa Osaka, Japan kag nag-abot sa Mactan- Cebu International Airport sang nagligad nga Abril 18, 2020.
Suno sa opisyal nga pahayag nga ginpaguha sang provincial government, ang amu nga persona ang kalakip sa batch 7 sa mga nagpauli nga Capizeno sa probinsya.
Matapos ini ang nakapauli sa Capiz sang Hunyo 4 pinaagi repatriation program sang gobyerno, ginkuhaan siya sang specimen kag ginpadala sa Western Visayas Medical Center(WVMC) sa Iloilo pinaagi sa RT-PCR testing kun sa diin nag-abot ang resulta kahapon Hunyo 14, kag nagasiling nga ini ang nagpositibo sa SARS-CoV-2 nga causative agent sang COVID19.
Nagapabilin nga asymptomatic ang amu nga pasyente nga sa subong ang yara na-admit sa Roxas Memorial Provincial Hospital(RMPH).
