Ginpatigayon ang ikaduha nga adlaw sang DYHB RMN Bacolod kag iFM ang Oplan Tabang COVID-19 Response pinaagi sa pagpanagtag sang hygiene kit sa mga gintukod nga border control check-up points sa ciudad sang Bacolod.
Ini ang kabahin sang pagdul-ong sang matuod tuod nga serbisyo publiko sang DYHB kag iFM angut sa pagsaulog sang ika-68 nga anibersaryo sang Radio Mindanao Network.
Duha ka adlaw nga patigayunon ang Oplan Tabang COVID-19 Response (September 7 kag 8) sa diin ang mga frontliners nga yara sa mga border check-up points ang mangin benepisyaryo sini kag makabaton sila sang hygiene kit.
Ang DYHB RMN kag iFM Bacolod naga-saludo sa sakripisyo sang mga frontliners sa kampanya sang gobierno sa pagpakig-away batuk sa coronavirus disease.
[image: image.png]
