Giproklama na kapin kun kulang alas tres kaganina sa City Board of Election Canvassers nga gipangunahan ni OIC Comelec Election Officer Ganger Ranada ang mga midaug sa Butuan City sa nahitabong eleksyon kagahapon.
Kung diin nakuha gyud sa Tea RCL ang ilang gitinguhang 13-0 nga kadaugan.
Midaug sa pagka-Congressman sa 1st District sa Agusan de Norte si Cong. Law Fortun sa boto nga 127,457 batok Sam Amante sa boto nga 30,801.
Samtang sa pagkamayor subli napili si Mayor Ronnivic Lagnada nga nakauha ug 125,250 votes batok nila ni Atty. Nonong Balanon, Edward Chan ug Manny Esteves.
Sa pagka- Vice Mayor midaug si Joboy Aquino sa 130,500 votes batok Nestor Amora ug Audie Munda.
Samtang sa pagkakonsehal nag-una si Atty. Glenn Carampatana (114,762), ika-duha si Ferdinand Nalcot (111,443), ika-tulo si Derrick Plaza (99,702), ika-upat si Cromwell Nortega (97,745) ika-lima si Rema Burdeos (94,341) ika-unom si Ehrnest Jhon Sanchez (92,837) ika-pito si Atty. Gil Unay (92,083) ika-siyam si Joseph Omar Andaya (90,841) ug ang ika-napulo Engr. Vincent Rizal Rosario sa boto nga 89,834 kun diin lamang kini kapin sa 25 thousand votes batok kang Former Mayor Jun Amante nga nabutang sa ika-onse nga nakakuha ug 64,357.
photo ctto
[image: RCL proclaim.jpg]
