Gipahigayon bag-ohay lang ning syudad ang ikaduhang hugna sa Cagayan de Oro Educational Summit.
Kini gihingusgan sa local nga pangagamhanan ning dakbayan, Department of Education kon Deped, Synergieia Foundation, Inc. ug local school board.
Ang aktibidad ang gisalmotan sa mga magtutudlo ug estudyante gikan sa mga pribado ug pampublikong tunghaan, mga ginikanan isip opisyales sa nagkadaiyang Parents Teachers Association kon PTA, mga kapitan sa barangay, NGOs, School Governing Council members, technical education , skills development and employment committee, ug uban pa.
Sa mao nga adlaw, gihisgutan ni City Mayor Oscar Moreno ang probema sa edukasyon nga iyang nahimamat, ingun man ang mga proyekto ug solosyon nga nahimo, sulod sa unom ka tuig nga pagpanerbisyo.
Samtang gi-presentar sa maong adlaw ni Dr. Jonathan Dela Pena- ang Schools Division Superintendent, ang academic performance sa mga grade 6 ug grade 10 nga estudyante sa dakbayan.
Kini base sa mga resulta sa National Achievement Test, diin gipasigarbo sa dakbayan nga top performing ang Division of Cagayan de Oro sa rehiyon diyes.
Nasayran nga sa ikaduhang bahin sa summit, adunay gihimo nga workshop sa mga partisipante kung asa gipahimo og strategic plan ang matag grupo alayun sa pag-implementar og mas epektibo nga pamaagi sa edukasyon ug pagpakabana sa mga ginikanan ug tunghaan alang sa kabatan-onan.
