Sarangani Province–Kung gisugat sa mga programa og pagbisita sa mga dagkong personalidad ang 1st og 2nd Quarter karong tuiga 2018 sa Sarangani Province, mas daghan pang programa ang gibuhos sa Sulong Sarangani flagship program pag-abot sa 3rd Quarter.
Natigayon ang 1st Sarangani Nutrition, Health and Sanitation Summit aron magiyahan ang bag-ong napili nga mga barangay officials sa ilang responsibilidad nga matutukan ang panglawas sa mga residente. Nahimong bisita aron muhatag sa mga kasinatian og presentasyon ang gobernador sa probinsya sa Quezon ang amigo ni Governor Steve Chiongbian Solon nga si Governor David Suarez, anak ni House of Representatives Minority Floor Leader Congressman Danilo Suarez.
Sa pinakaunang higayon pud gilusad sa Sarangani ang bag-ong programa ni Pangulong Rodrigo Duterte alang sa mga kanhing rebelde gitawag nga E-CLIP kon Enhanced Comprehensive Local Integration Program kung diin daghan ang madawat nga benepisyo kung mu-surender. Sa tibuok Pilipinas, tulo (3) ka mga lugar ang unang gipili nga makapatuman sa E-CLIP program, kini mao ang Davao Oriental, Sultan Kudarat og Sarangani Province.
Anaa mismo sulod sa Sarangani Capitol sa maong E-CLIP Launching sila Department of National Defense Undersecretary Reynaldo Mapagu og maoy chairman sa Task Force Balik-Loob, Armed Forces of the Philippines-Eastern Mindanao Command kon EASTMINCOM Commander og mao na karoy AFP Chief of Staff nga si Lt. General Benjamin Madrigal, og si DILG National Barangay Operations Office Director Leocadio Trovela.
