General Santos City—Hugtanong gihimakak sa usa sa duha ka suspetsadong gitudlong responsabli sa pagpanglugos sa 13 anyos nga dalagita nga si Alias Danny nga iyang gilugos ang biktima sa NLSA Road, Barangay Lagao niadtong pasko.
Sumala ni alias Danny nga walay kamatuoran ang aligasyon batok kaniya sanglit igo ra syang gipasanginlan sa biktima.
Atol sa insidenti siya natulog matud pa sa duyan sa maong lugar gumikan sa tumang kahubog ug wala na sya nasayud kinsay nakauban sa biktima niadtong tungura
Dugang saysay sa suspek nga siya nag inum sa ilang panimalay dayon niabot matud pa ang iyang manghod uban sa iyang mga barkada. Nakig-inum matud pa kini ngadto kaniya human sa pipila ka minutes, nilakaw ang iyang manghod uban sa ubang barkada ug nabilin ang 13 anyos nga minor de edad.
Dihang siya nahubog iyang gibyaan ang biktima ug siya nisulod sa ilang panimalay ug natulog apan pipila ka minutes, nakadungog nalang sya ug syagit maong siya nigawas sa iyang kwarta.
Nakuratan nalang kini dihang paggawas niya derekta syang gitudlo sa biktima nga maoy nanglugos kaniya.
