Bisan kung unom ka tuig na ang nakalabay sukad mihapak ang bagyong Sendong ning dakbayan, apan emosyonal sa gihapon ang mga survivor sa ilang paghandom niini.
Alang kanila nga lab-as pa gihapon sa ilang panumduman ang nahitabo niadtong nakalabayng unom ka tuig, kung asa nakita nila ang pagkalunod ug pagkaanod sa ilang mga minahal sa kinabuhi sa dakong bul-og sa tubig baha.
Tungod niini, lisod nilang hikalimtan ang nahitabo ug milagro na alang kanila nga mga survivor ang ilang pagkaluwas sa maong trahedya.
Samtang Matud ni Engr. Ermin Pimentel, ang head sa City Housing and Urban Development Department kon CHUDD, nga aduna silay tulo ka bag-ong programa alang sa mga Sendong survivor.
Gani ang maong programa niadtong Sabado ang gitambongan ni Mayor Oscar Moreno ug sa mga opisyal sa 56 ka mga homeowners association gikan sa nagkalain laing relocation sites ning dakbayan.
Atol sa maong kalihokan, mihimo usab si Monsignor Perceus Cabunoc, ang rector sa San Agustin Cathedral og Misa sa Isla de Oro sa Brgy. 13 ug Sitio Cala-Cala sa Brgy. Macasandig, aron iampo ang mga namatay sa bagyong Sendong.
By; Radyoman Aiza Enloran and Ellah Baculio
