Siocon, ZDN-Nadakpan sa mga otoridad ang unom ka mga commercial fishing vessel niadtong Dominggo sa gabie ang illegal nga pagpangisda didto sa Siocon, ZDN.
Matod pa sa Mayor sa Siocon nga si Julius Lobrigas, nadakpan sa akto ang mga barko nga nangisda sa halos 5km lang ang gilay-on sa coastal area sa lungsod.
Sa ilawom sa R.A 8550 o Philippine Fisheries Code of 1998, hugot nga nga gibawal ang commercial fishing sulod sa 15km sa municipal waters.
Gitugutan lamang nga mangisda sa sulod sa 10.1 hangtod 15km sa municipal water kun adunay permiso gikan sa lokal nga panggamhanan.
Matod ni Lobrigas, wala sila naghatag ug katugutan sa mga commercial fishing vessel tungod kay maka apekto kini sa mga panginabuhi sa mga lokal nga mangingisda.
Dugang pa sa mayor nga dugay na nilang gireklamo ang illegal nga pagpangisda sa mga commercial fishing vessel sa ilang lugar pero wala matod pa’y aksyon ang usa ka ahensyasagobyerno sa ilang reklamo.
Gawas sa kadagatan sa Siocon, nangisda sab kini sa nagkalain-laing municipal water sa WesMin.
Hinungdan nga nangayo siya ug tabang sa military ug Philippine Coast Guard para kuyugan ang ilang bantay dagat nga maghimo ug surveillance sa ilang municipal water.
Gisuginlon pa ni Jayrdrick Yap, president sa Southern Philippines Deep Sea Fishing Association, wala gituyo nga moabot ang unom ka commercial vessel sa siocon.
Gidugang niini nga mga isolated case lamang ang nahitabo tungod kay kasagara sa mga commercial fishing nagsunod sa balaod.
Andam sab mo bayad ug multa ang duha ka fishing vessel company nga ipahamtang sa Bureau of Fisheries and Aquatic Resource (BFAR).
Marso 1 nagsugod ang open fishing seaon human sa tulo ka bulan nga fishing ban isip tipik ug kabahin sa sustainability program sa BFAR.
