Bukidnon – Lauman nga pakusgan pa ang sa kapulisan sa probinsya sa Bukidnon ang kampanya batok sa illegal nga sugal.
Sa interview sa RMN Malaybalay ngadto kang PSI Jiselle Longakit ang tigpamaba sa PNP Provincial Command gibutyag niini nga magpadayon ang mga anti illegal gambling operation subay sa mando sa ilang kadagkuan sa PNP ug ni Pangulong Rodrigo Duterte.
Nasayran nga subsob na ang gihimo nga pagpanakop sa kapulisan ilabina kadtong mga nalambigit sa illegal nga swertres kon wirik-wirik.
Una nang gipasigarbo sa PNP Bukidnon ang ilang gihimo nga One Time Big Time operation batok sa illegal gambling.
Gipahayag usab ni Longakit nga taliwala sa ilang kampanya batok sa illegal nga sugal magpadayon ug walay kausaban ang ilang kampanya usab batok sa illegal nga droga.
