Roxas City, Capiz – Dakop sang Bantay Dagat Task Force sang syudad sang Roxas ang 17 tanan ka mga tripulante sang sakayan nga nagapatigayon sang illegal nga pagpangisda sa kadagatan nga sakop sang Roxas City.
Ginkilala ang mga persona nga sanday Carlos Renquejo, 54 anyos, boat captain kag mga tripulante sini nga sanday Edgar Rodriguez, 49-anyos; Mark Anthony Gayo, 29-anyos; Francis Ilalim, 37-anyos; Ronald Palma, 33-anyos, Celso Delos Reyes, 26-anyos; Rooly Valique, 26-anyos; Allan Ancayos, 28-anyos; Jingle Enriquez, 26 anyos, Celso Delos Santos, 26 anyos, Rizalde Descatoton, 29 anyos; Romeo Bacia, 32 anyos, Romy Mondijar, 24 anyos kag Alfredo Caballero, 40 anyos lunsay mga residente sang Old Sagay, Sagay City, Negros Occidental.
Nadakpan sa akto ang nasambit nga mga tripulante nga naggagamit sang active fishing gear. Magabayad naman sang nagakaigo nga multa ang operator sang sakayan bangud sa paglapas sa City Ordinance No. 016-2007. Ginkumpirkar man sang Bantay dagat ang mga fishing paraphernalia nga ginagamit sang mga mangingisda.
