Davao City – Maayo ang gihimo ni Pres. Rodrigo Duterte nga pagpaundang sa legalized gambling operations sama sa Lotto, Small Town Lottery (STL) ilawom sa Philippine Charity Sweepstakes Office (PCSO) tungod sa korapsyon apan adunay kabalaka nga basin ug mosi-aw na usab ang illegal gambling.
Sumala ni National Telecommunication Commission (NTC-XI) Regional Director Nelson Cañete, makatabang kini aron maundang usab ang mga announcer sa radyo nga namaligya ug numero nga dunay contact sa PCSO apan posibleng mobalik na usab ang last two nga sinimana ang resulta nga i-basi sa resulta sa lumba sa kabayo sa San Lazaro Hippodrome ug uban pang iligal nga pasugal sama sa jueteng tungod kay ang mga Pilipino mangita man gyud ug higayon nga mopatad o manugal.
Dugang sa director sa NTC-XI nga dili lamang undangon ang operasyon kon dili ilisan lang ang mga tawo nga napamatud-ang nahilambigit diha sa korapsyon sulod sa buhatan sa PCSO tungod kay napagan ang uban sa dihang nawad-an sa panginabuhi.
Naapektohan usab ang kadtong mga tag-iya’g outlet nga por ciento lamang ang ilang gidawat, matud ni Cañete.
RadyoMaN Bernard Pantallon
