Way naabtan an mga kapulisan sa Dapa, Surigao del Norte, human na miikyas an upat ka mga mangisdaay na tagtuohang naggamit nan dinamita para dali na makakuha nan mga isda. An mga suspek tagkilay-an na sila ni Servando Dolera, Edwin Gocela, Eli Moreal, ug Sinclito Gocela, na mga hingkod an pangedaron ug parehas na mga residente sa Barangay Union, sa lungsod nan Dapa. Sumaya ni PO2 Ricxes Mantilla, isa ka intel nan kapulisan, na an mga suspek an gikan sa lawod ug sa ila pag-abot sa baybay kalit lamang an mga supek na mijagan pasingud sa may mga mangrove na bahin sa dagat, human na makit-an an pasuod na mga pulis. Nakuha nan mga otoridad gikan sa mga nansibat na mga suspek an 30-kilos na mga isda na tagtawag na ‘Ganges’ na gisuyod sa duha ka mga dagko na container. Padajun gihapon an Dapa Municipal Police Station sa paghanap sa niikyas na mga mangisdaay. (Report from RadyoMaN Jojo Ferol)
