Davao City – Gibaharan karon ni Pres. Rodrigo Duterte ang mga motorista ingon man ang mga byahero nga dili magparking sa gilid sa dalan sugod sa Ulas paingon sa Ma-a Diversion Road ilabi na sa bagohay lang nga gi-agurahang Davao River Bridge nahimutang sa Carlos P. Garcia Highway ning syudad sa Davao.
Sumala ni Pres. Duterte, ang iligal parking mao ang sagad rason sa trapik ug aksidente sa maong lugar.
Gani gipahimangnoan niini ang Highway Patrol Group (HPG) nga bantayan ug seguruhong maagian ang maong lugar alang usab sa pagkasikop sa mga malapason sa balaud-trapiko.
“Because this is a vital artery that moves the traffic outside of the city, wala pa naman tayong bago eh and in contemporary time we would need another one to make it really easy for the Davaoeños so kailangan bukas yan (Diversion Road),” segun niini.
Gawas niini, gidasig usab ni Pres. Duterte ang Department of Public Works and Highways (DPWH) sa maong proyekto gani mapasalamaton sa mga stakeholders niining P345-M peso project.
RadyoMaN Jason Amisola
