ILOILO City- Suno kay Mayor Jose Espinosa III, tuman ka dako pa ang dapat mapun-an nga banakte nga posisyon sa call center industry sa syudad.
Kahapon ginbuksan na sang Hinduja Global Solutions ang ila expansion nga nagatanyag sang 1,700 ka seats para sa full-time employees sa Ayala Techno Hub.
Pahayag sang alkalde, pamatuod lamang ini nga ang syudad sang Iloilo maayo nga tukuran sang call center business.
Isa lang nga problema ang nakita sang syudad kag ini amo ang kakulang sang mga buildings nga mangin balay sang call center companies.
Subong man sa pagsugilanon sang alkalde may mga Ilonggo nga negosyante na nga magapatindog sang dalagko nga mga buildings sa ila bakante nga lote agud mag-accommodate sang nagasangkad nga call center operations sa syudad.
