Ginrekomendar sang Iloilo City Prosecutor’s office ang pagpasaka sa korte sang lima ka counts sang cyber libel batuk kay anay Provincial Administrator Manuel Mejorada.
Ini matapos makitaan sang Prosecutor’s office nga may probable cause ang ginpasaka nga reklamo ni Governor Arthur Defensor.
Suno kay Atty. Hector Teodosio, legal Counsel ni Governor Defensor, ginpasaka nila ang nasambit nga kaso matapos ang pila ka mga post ni Mejorada sa Facebook Page sini nga nagapakahuya sa Gobernador.
Gin-athag ni Teodosio nga indi lamang lima kundi masobra 20 ang mga posts ni Mejorada nga nagaguba sa pagkatawo sang gobernador apang lima lang anay ang ila ginpasaka.
Suno kay Atty. Teodosio nga ginalauman nga magapapanaug sang lima man ka warrant of arrests ang korte batuk kay Mejorada anuman nga adlaw.
