BACOLOD CITY – Natigayon nga ma rescue ang anum tanan ka mga menor edad kag isa ka babayi halin sa ginpatihan cyber-sex den sa Brgy. 26, ciudad sang Bacolod.
Suno sa team sang Children and Womens Protection – Police Sr. Inspector Lawrence Ibo nga ila ginpatigayon ang operasyon matapos sang report nga ila nabaton nga gina-gamit ang amo nga mga minors sa cyber-sex.
Lakip sa na-rescue sang otoridad ang duwa ka tuig nga bata nga lalaki.
Sa ginpatigayon nga entrapment operation, natukiban nga gina-sugo sang 35 anyus nga iloy ang iya mismo lima ka tuig nga bata agud mag-perform sang sexual acts pinaagi sa live stream sa baylo naman sang kwarta.
Dugang pa ni Ibo nga ginapang-exploit man sang amo nga nanay ang iya mga hinablos nga naga-edad 17 tubtob 22 anyus.
Suno sa pulis, nga naga-operate ang suspek sang iya illegal nga negosyo sa sulod na karon sang tatlo ka tuig sa diin iya naman gin-salo ang ini nga buluhaton gikan sa iya magulang nga babayi.
Nahibalu-an nga kalabanan sang ila mga customer ang mga foreigners sa diin ang bayad ang ginpadala naman pinaagi sa money remittance services.
